jan 1, 1067 - Першыя звесткі ў летапісе пра Мінск
Description:
У самым цэнтры Беларусі знаходзіцца яе сучасная сталіца — горад Мінск. Як ён узнік?Што тут было раней, у старажытныя часы?
Упершыню Мінск (тады Менск) упамінаецца
ў летапісе пад 1067 годам. У гэтым годзе
адбылася бітва на рацэ Нямізе. Пра незвычайную вуліцу-раку вы ўжо ведаеце. А адкуль жа ўзяла наша сталіца назву? Наконт гэтага ёсць розныя меркаванні.
Даўняе паданне гаворыць, што некалі на
тым месцы, дзе пазней вырас горад, пасяліўся млынар. Да яго людзі вазілі збожжа, каб перамалоць яго на муку. Некаторыя сталі сяліцца паблізу. Так узнікла паселішча. Млынара звалі Менеск. Адсюль нібыта і пайшла назва. Спачатку Менеск, потым Менск, а яшчэ пазней — Мінск.
Ёсць іншая думка. Згодна з ёю заезджыя
купцы некалі мянялі тут свае тавары на вырабы мясцовых майстроў. Таму пачатковая назва горада паходзіць ад слова «мена» — мяняць.
Многія сучасныя вучоныя мяркуюць, што
наша сталіца ўзяла сваю назву ад наймення
рэчкі Менкі. На яе берагах і пасяліліся нашы
продкі. Раней яна была багатая на рыбу, якая звалася мень. Вось і атрымалася: мень, Менка, Менеск, Менск і, нарэшце, Мінск.
Added to timeline:
Date:
jan 1, 1067
Now
~ 960 years ago